I.P. முகவரிகளை அறியும் முறை

மே 31, 2008

இன்றைய கணினி உலகில் இன்டர்நெட் புரோட்டகால் அல்லது ஐ.பி. என்பது பற்றி நாம் அதிகம் கேள்விப்படுகிறோம். ஒவ்வொரு கணினியும் ஒரு தனித்த நெட்வொர்க்குடன் இணைக்கப்பட்டிருக்கும். இதுதான் ஐ.பி. என்று வழங்கப்படுகிறது.

நெட்வொர்க்கில் இருக்கும் எந்த ஒரு கணினியையும் சுலபமாக அடையாளப்படுத்தும் ஐ.பி. முகவரி என்பது எண்களாலானது. அலுவலக நெட்வொர்க், இணையதள நெட்வொர்க் அல்லது வீடு என்று கணினி எங்கு இருந்தாலும் ஒவ்வொன்றிற்கும் ஒரு தனித்த ஐ.பி.முகவரி உண்டு.

ஐ.பி. முகவரியில் 4 செட் எண்கள் இருக்கும். உதாரணமாக 192.168.100.111 என்று இருக்கும். டொமைன் பெயர்கள் என்று அழைக்கப்படும் http://www..—–.காம் என்பது ஒரு குறிப்பிட்ட ஐ.பி. முகவரியுடன் தொடர்புடையதே.

ஐ.பி. முகவரிகளில் மாறும் மற்றும் மாறாத முகவரிகள் இரண்டும் உள்ளது. அதாவது முன்னணி இணையதளங்கள் இதுபோன்ற மாறாத ஐ.பி. முகவரிகளை பயன்படுத்தும். மாறும் ஐ.பி. என்பது நீங்கள் எந்த ஒரு கணினியில் லாக் ஆன் செய்யும்போதும் அந்த கணினிக்கு தானாகவே வழங்கப்படும் ஐ.பி.முகவரி. பிரவுசிங் சென்டர் உள்ளிட்ட இணையதள வழங்கு சேவைதாரர்கள் இந்த டைனமிக் ஐ.பி.முகவரிகளை பயன்படுத்துவார்கள்.

உள் மற்றும் வெளி ஐ.பி. முகவரிகள்:

அதாவது வெளி உலகிற்கு தெரியாத ஐ.பி.முகவரிகள் உள் ஐ.பி. முகவரியாகும். வீடு மற்றும் சொந்த அலுவலக உபயோகக் கணினிகள் இந்த உள் ஐ.பி. முகவரி கொண்டது. அதாவது ஒரே நெட்வொர்க்கில் உள்ள இரு கணினிகளில் உரையாடல் மேற்கொண்டால் அது ஒரே ஐ.பி.முகவரியில் நடந்த உரையாடலே.

உங்கள் உள் ஐ.பி. முகவரியைத் தெரிந்து கொள்ள, விண்டோஸ் ஸ்டார்ட் மெனுவை திறக்கவும். ரன் என்பதை செலெக்ட் செய்யவும். விண்டோஸ் விஸ்தாவில் ஆர் என்ற விசையை அழுத்தினால் போதுமானது. ரன் உரையாடல் பெட்டி திறக்கும். அதில் சி எம் டி என்று ஆங்கிலத்தில் தொடர்ச்சியாக டைப் செய்யவும் பிறகு என்டர் தட்டவும். இப்போது டி.ஓ.எஸ். கட்டளை திறக்கும்.

இப்போது கமாண்டிலிருந்து “ஐ.பி.கான்ஃபிக்” என்று டைப் செய்து என்டர் தட்டவும். உடனே அதில் உங்கள் ஐ.பி. முகவரியை நீங்கள் காணலாம். இப்போது கமாண்ட் விண்டோவில் எக்சிட் என்று டைப் செய்து என்டர் தட்டினால் அது மறைந்து விடும்.

உங்கள் கண்னி ஐ.பி. முகவரியை தானாகவே பெறுமாறு வடிவமைக்கப்பட்டிருந்தால், ஐ.பி. எண் காலத்திற்கு காலம் மாறும். குறிப்பாக ஒரு நெட்வொர்க்கிலிருந்து நீங்கள் அடுத்த நெட்வொர்க்கிற்கு மாற்றும்போது ஐ.பி. முகவரி மாறும்.

வெளி ஐ.பி. முகவரி ஒன்றும் உங்கள் கணினிக்கு வழங்கப்பட்டிருக்கும். இதனை உங்கள் இணையதள இணைப்புச் சேவை வழங்குவோர் அளிப்பர்.

ஐ.பி. முகவரி என்பது ஒன்றும் பெரிய ரகசியமல்ல. இணையதளங்கள் உங்களுக்குக் சேவை வழங்குவோர் மற்றும் பிறர் வேண்டுமானால் உங்கள் ஐ.பி. முகவரி என்னவென்று தெரிந்து கொள்ளமுடியும். இதன்மூலம் சிலவற்றை நீங்கள் அணுக முடியாதவாறு அவர்களால் செய்யமுடியும். இருப்பினும் உங்கள் ஐ.பி. முகவரியை நீங்கள் மறைத்தும் வைக்கலாம். க்ளோக்கிங் சேவைகள் பிராக்சி சர்வரை பயன்படுத்தி உங்கள் ஐ.பி. முகவரியை மறைத்து போலி ஐ.பி. முகவரியை தற்காலிகமாக உங்களுக்கு வழங்க முடியும்.

இந்த க்ளோக்கிங் சேவையை பயன்படுத்த அத்னை வழங்கும் இணையதளத்திற்கு சென்று அங்கு கொடுக்கப்பட்டுள்ள படிவத்தில் நீங்கள் செல்ல விரும்பிய அந்த இணையதள முகவரியை டைப் செய்யவும்.

நீங்கள் “செல்” என்பதை கிளிக் செய்தவுடன் நீங்கள் செல்ல வேண்டிய இணையதளத்திற்கு கொண்டு செல்வதோடு, உங்கள் ஐ.பி. முகவரியையும் மறைத்து விடும். மேலும் உங்களது இந்த செய்கைகளுக்கு நீங்கள் எதிர்பார்க்கும் பாதுகாப்பையும் நிர்ணயம் செய்ய இது உதவும்.


சந்தையில் புதியதொரு மடிக்கணினி

மே 29, 2008

 

யு6எஸ் நோட்புக் லேப்-டாப் அறிமுகம்

தைவான் நாட்டின் முன்னணி கணினி நிறுவனமான அசூஸ் (Asus), தனது புதிய தயாரிப்பான யு6எஸ் நோட்புக் லேப்-டாப்களை (U6S Notebook) அறிமுகம் செய்துள்ளது.

இண்டெல் டியுவோ பிராசசர் கொண்ட இந்த லேப்டாப்பில் 12 இன்ச் வண்ணத்திரை உள்ளது. விண்டோஸ் விஸ்டா தளத்தில் இயங்கும் இந்தக் கணினியில், வெப்-கேமராவும் உண்டு.

 

இரண்டு ஆண்டு சர்வதேச வாரண்டியுடன் விற்பனை செய்யப்படும் இந்த யு6எஸ் நோட்புக் மடிக்கணினியின் அறிமுக விலை ரூ.94,900 என அசூஸ் நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.


தனித் தமிழிலில் இசைப்பாடல்கள்

மே 28, 2008

சில நேரங்களில் சினிமாப்பாடல்களைவிட தனித் தமிழிசைப் பாடல்கள் நன்றாகவே இருக்கும். அந்த வரிசையில் இணையத்தில் நான் கண்ட சில இசைப்பாடல்கள் உங்களுக்காக.



இலவசமாக தமிழ் அகராதி (இணையிறக்க வசதியுடன்)

மே 27, 2008

பால்ஸ் மின்னகராதி இப்போது மென்னகராதியாக உங்களது சொந்தக்கணினியில் வேண்டுமெனில் இங்கே சொடுக்கி இணையிறக்கி நிறுவிக்கொள்ளவும்.

அருமையான மென்பொருள் பயன்பாடு இது. தேடுதல் சிறப்பம்சம் கொண்டது.
ஒருங்குறியில் தேடலாம். உங்கள் கணினியில் நிறுவிக்கொள்ளவேண்டும். நிறுவிய பிறகு இணைய இணைப்பில்லாமல் பயன்படுத்தலாம் என்பது இதன் கூடுதல் திறனாகும்.

http://www.4shared.com/account/file/48276078/7d46feda/Pals_E-Dictionary.html

http://www.ildc.in/GIST/htm/dictionary.htm


தக்காளி தோசை

மே 26, 2008

தேவையானப் பொருட்கள்.

அரிசி மாவு – 1 கப்
ரவா – 1/2 கப்
தக்காளி – 2
மிளகாய்த்தூள் – 1/2 டீஸ்பூன்
பெருங்காயத்தூள் – ஒரு சிட்டிகை
உப்பு – 1 டீஸ்பூன் அல்லது தேவைக்கேற்றவாறு
எண்ணை – தேவைக்கேற்றவாறு

செய்முறை.

தக்காளியை பெரிதாக நறுக்கி மிக்ஸியில் போட்டு நன்றாக அரைத்துக் கொள்ளவும்.

அரிசி மாவு, ரவா, தக்காளி விழுது, மிளகாய்த்தூள், பெருங்காயம், உப்பு எல்லாவற்றையும் ஒன்றாகக் கலந்து, தேவையான அளவு தண்ணீரைச் சேர்த்து தோசை மாவு பதத்திற்குக் கரைத்துக் கொள்ளவும்.

தோசைக்கல்லை காயவைத்து, ஒரு பெரிய கரண்டி மாவை ஊற்றி, மெல்லிய தோசையாக பரப்பவும். ஒரு டீஸ்பூன் எண்ணையை தோசையை சுற்றி ஊற்றி நன்றாக வேகவிடவும். ஒரு பக்கம் வெந்தவுடன், திருப்பிப் போட்டு மறு பக்கமும் வெந்தவுடன் எடுக்கவும்.

குறிப்பு.

சாதாரண தோசை மாவிலும் இதை செய்யலாம். ஒரு கப் மாவிற்கு ஒரு தக்காளியை அரைத்து, மிளகாய்த்தூள், பெருங்காய்த்தூள் சேர்த்து செய்யவும்.


கணனி உதிரிகளை அழிக்கும் முறை -burnout on computer hardware

மே 24, 2008

வன்பொருட்களை அழிக்க இப்படியும் ஒரு வழிவகையும் உண்டு.நீங்களும் முயற்சி செய்து பாருங்கள்…
ஆனால் செலவு கொஞ்சம் அதிகமாகும் (ரயர் தேய்வடையும்)


மேலும் 10 மொழிகளில் மொழிபெயர்ப்பு வசதி: கூகிள்

மே 23, 2008

தேடுபொறி (Search Engine) சேவை வழங்குவதில் முன்னணி நிறுவனங்களில் ஒன்றாக விளங்கும் கூகிள் நிறுவனம் தனது மொழிபெயர்ப்பு சேவையில் மேலும் 10 புதிய மொழிகளை இணைத்துள்ளது.

இதன்படி, கூகிள் மொழிபெயர்ப்பு சேவையை பயன்படுத்தி அதன் வாடிக்கையாளர்கள் 23 மொழிகளில் தாங்கள் விரும்பிய தகவல்களை மொழிபெயர்த்துக் கொள்ள முடியும் என தெரிவிக்கப்பட்டுள்ளது.

ஏற்கனவே 10 சர்வதேச மொழிகளில் மொழிபெயர்ப்பு சேவை வழங்கி வந்த கூகிள் நிறுவனம், தற்போது புதிதாக 13 மொழிகளை இச்சேவையில் சேர்த்துள்ளதால், மொத்த மொழிகளின் எண்ணிக்கை 23 ஆக அதிகரித்துள்ளது குறிப்பிடத்தக்கது.

புதிதாக சேர்க்கப்பட்டுள்ள மொழிகள்: பல்கேரியன், குரேஷியன், டேனிஷ், (பின்லாந்து), ஹிந்தி, நாவேஜியன், பொலிஷ் (போலாந்து), ரோமேனியன் மற்றும் சுவீடிஷ் (ஸ்வீடன்).

கூகிள் நிறுவனத்தின் மொழிபெயர்ப்பு சேவையை பயன்படுத்தி தங்களுக்கு வேண்டியர்களுக்கு 23 மொழிகளில், மின்னஞ்சல், செய்தி, தகவல்களை வாடிக்கையாளர்கள் அனுப்ப முடியும்.